नेपाल तरुण दल अध्यक्ष विद्वान गुरुङलाई प्रधानमन्त्री एवंम नेपाली कांग्रेस पार्टी सभापति शेरबहादुर देउवाले यथाशीघ्र तरुण दल केन्द्रीय समिती ल्याउन निर्देशन दिएका छन् ।
सोमबार प्रधानमन्त्री निवास बालुवाटारमा पार्टी सभापति देउवा भेट्न पुगेका अध्यक्ष गुरुङलाई यस्तो निर्देशन दिएका हुन् । भेटमा तरुण दल केन्द्रीय समिति विस्तारका बिषयमा गहन छलफल भएको पनि बताइएको छ ।
सबै नेताहरूसंग आफुले भेट गरि सरसल्लाह लिएको बारे तरुण दल अध्यक्ष गुरुङले पार्टी सभापति देउवालाई जानकारी गराए ।
साउन २ मा सकिएको कांग्रेस केन्द्रीय समिति बैठकले साउनभित्रै भ्रातृ संस्थालाई पूर्णता दिने निर्णय गरेको थियो।
सभापति देउवाले तरूण दल अध्यक्षमा गत चैत ९ मा विद्वानलाई अध्यक्ष तोकेका थिए। अध्यक्ष नियुक्त भएको चार महिना हुँदा पनि पदाधिकारी तथा केन्द्रीय समितिविहीन छ।
सोमबार बालुवाटारमा तरूण दलको केन्द्रीय समिति विस्तारबारे सभापति देउवा र अध्यक्ष गुरूङबीच छलफल भएको हो।
फोटो : दिपेन्द्र पोखरेल
