यस्तो छ तीन दिनको मौसम, यी स्थानमा मेघ गर्जन र चट्याङ्गसहित वर्षा हुने

काठमाडौं – मौसम पूर्वानुमान महाशाखाले मनसुनको न्यून चापीय रेखा विस्तारै उत्तरतिर सर्दै जाने देखिएको जनाएको छ । महाशाखाका अनुसार अहिले उक्त रेखा नेपालको तराई भू–भागभन्दा दक्षिणतिर अवस्थित छ ।

अहिले देशभर आंशिकदेखि सामान्य बदली रहेको महाशाखाले जनाएको छ । महाशाखाका अनुसार पूर्वी र मध्य पहाडी भू–भागका एक÷दुई स्थानमा हल्का वर्षा भइरहेको छ ।

तीन दिनको मौसमबारे जानकारी दिँदै महाशाखाले शनिबार (आज) दिउँसो देशभर आंशिक देखि सामान्य बदली हुने जनाएको छ । त्यस्तै शनिबार दिउँसो नै केही स्थानहरुमा मेघ गर्जन र चट्याङसहित हल्कादेखि मध्यम वर्षा हुने सम्भावना रहेको जनाएको छ ।

शनिबार राति देशभर आंशिक देखि सामान्य बदली रही केही स्थानमा मेघ गर्जन र चट्याङ्गसहित हल्का देखि मध्यम वर्षा हुने संभावना रहेको महाशाखाले जनाएको छ ।

आइतबार दिउँसो देशभर आंशिकदेखि सामान्य बदली रही केही स्थानमा मेघ गर्जन र चट्याङ्गसहित हल्का देखि मध्यम वर्षाहुने संभावना छ । आइतबार राति देशभर आंशिकदेखि सामान्य बदली रही देशको पश्चिमि भू–भागका केही स्थानमा तथा मध्य र पूर्वका थोरै स्थानहरुमा मेघ गर्जन र चट्याङ्गसहित हल्का देखि मध्यम वर्षा हुने संभावना छ । पश्चिम क्षेत्रका एक दुई स्थानमा भारी वर्षाको सम्भावना रहेको महाशाखाले जनाएको छ ।

सोमबार दिउँसो देशभर आंशिकदेखि सामान्य बदली रही केही स्थानहरुमा मेघ गर्जन र चट्याङ्गसहित हल्का देखि मध्यम वर्षाहुने र पश्चिम क्षेत्रका एक दुई स्थानमा भारी वर्षाको सम्भावना रहेको छ । सोमबार राति आंशिकदेखि सामान्य बदली रही देशको पश्चिमि भू–भागका केही स्थानमा तथा मध्य र पुर्वका थोरै स्थानहरुमा मेघ गर्जन र चट्याङ्गसहित हल्का देखि मध्यम वर्षा हुने संभावना छ । पश्चिम क्षेत्रका एक दुई स्थानमा भारी वर्षाको सम्भावना रहेको महाशाखाको भनाइ छ ।