काठमाडौं – मौसम पूर्वानुमान महाशाखाले मनसुनको न्यून चापीय रेखा नेपालको तराई भू–भाग भन्दा दक्षिणतिर रहेको जनाएको छ । महाशाखाका अनुसार मनसुनको उक्त रेखा नेपालतर्फ सर्दैछ ।
महाशाखाले देशका केही स्थानमा मेघ गर्जन र चट्याङ पर्ने सम्भावना रहेको जनाएको छ । २४ घण्टाका लागि मौसमसम्बन्धी परामर्श दिँदै महाशाखाले यस्तो जनाएको हो । मध्य तथा पूर्वका पहाडी भू–भागमा एक वा दुई स्थानमा भारी वर्षाको सम्भावना रहेको जनाउँदै महाशाखाले सतर्कता अपनाउन अनुरोध गरेको छ ।
हाल देशभर आंशिकदेखि सामान्य बदली रहेको जानकारी दिएको छ । त्यस्तै पहाडी भूभागका एक दुई स्थानमा हल्का वर्षा भइरहेको महाशाखाले बताएको छ ।
आइतबार दिउँसो देशभर आंशिकदेखि सामान्य बदली रही केही स्थानमा मेघ गर्जन र चट्याङ्गसहित हल्कादेखि मध्यम वर्षाहुने संभावना छ । त्यस्तै आइतबार राति देशभर आंशिकदेखि सामान्य बदली रही देशको मध्य र पूर्वका केही स्थान पश्चिमि भू–भागका थोरै स्थानहरुमा मेघ गर्जन र चट्याङ्ग सहित हल्कादेखि मध्यम वर्षा हुने संभावना रहेको महाशाखाले जनाएको छ । यस्तै पूर्व र मध्य पहाडी भूभागका एक दुई स्थानमा भारी वर्षाको सम्भावना रहेको छ ।
सोमबार दिउँसो देशभर आंशिकदेखि सामान्य बदली रही केही स्थानहरुमा मेघ गर्जन र चट्याङ्गसहित हल्कादेखि मध्यम वर्षा हुने संभावना छ । पहाडी भूभागका एक दुई स्थानमा भारी वर्षाको सम्भावना रहेको महाशाखाको भनाइ छ ।
महाशाखाका अनुसार सोमबार राति देशभर आंशिकदेखि सामान्य बदली रही देशको पश्चिमी, मध्य र पूर्वका केही स्थानहरुमा मेघ गर्जन र चट्याङ्गसहित हल्कादेखि मध्यम वर्षा हुने संभावना छ । पहाडी भूभागका एक दुई स्थानमा भारी वर्षाको सम्भावना रहेको छ ।
त्यस्तै मंगलबार दिउँसो पश्चिमी भूभागमा सामान्य देखि पूर्ण बदलि रहने सम्भावना छ साथै बाँकि स्थानमा सामान्य बदली रही पश्चिमि भागका केही स्थानमा तथा मध्य र पूर्वका थोरै स्थानहरुमा हल्कादेखि मध्यम वर्षाहुने संभावना छ । पश्चिम क्षेत्रका एक दुई स्थानमा भारी वर्षा को सम्भावना रहेको महाशाखाले जनाएको छ ।
त्यस्तै मंगलबार राति देशभर आंशिकदेखि सामान्य बदली रही देशको पश्चिमि भूभागका केही स्थान तथा मध्य र पूर्वका थोरै स्थानहरुमा मेघ गर्जन र चट्याङ्ग सहित हल्कादेखि मध्यम वर्षा हुने संभावना छ । पश्चिम क्षेत्रका एक दुई स्थानमा भारी वर्षाको सम्भावना रहेको महाशाखाले जनाएको छ ।
