काठमाडौँ – ऋण लगानीमा पूर्वाधार, समृद्ध नेपालको आधार भन्ने मुल नाराका साथ नगर विकास कोष ३४ औं बार्षिकोत्सव मनाएको छ।
शहरी विकास मन्त्री रामकुमारी झाँक्रीको प्रमुख आतिथ्यतामा सम्पन्न कार्यक्रममा उत्कृष्ट उपमहानगर, नगरपालिका, खानेपानी उपभोक्ता समिति र उत्कृष्ट कर्मचारीहरूलाई सम्मान गरिएको छ।
कार्यक्रममा नगरपालिकातर्फ उत्कृष्ट हेटौंडा उपमहानगर र हरिवन नगरपालिका तथा खानेपानी आयोजनातर्फ उत्कृष्ट झापाको विर्तामोड खानेपानी उपभोक्ता समिति र सल्यानको शितलपाटी खलंगा खानेपानी उपभोक्ता समितिलाई सम्मान गरिएको थियो ।
वार्षिकोत्सवका अवसरमा कोषमा २५ बर्षदेखि कार्यरत अधिकृत मानबहादुर पुनलाई ५० हजार नगद सहित सम्मान गर्दै कार्यकुशलताको प्रसंशा गरिएको छ । त्यस्तै, कार्यकारी निर्देशकको सचिवालयमा कार्यरत हरकुश बोहोरा समेत उत्कृष्ट कर्मचारी बनेका छन् ।
कार्यक्रममा कोषका पूर्व अध्यक्ष मधुसुदन अधिकारीलाई समेत सम्मान गरिएको थियो । सम्मानित भएपछि पूर्व अध्यक्ष अधिकारीले कोषको लगानी क्षमता बढाउन सरकारसँग आग्रह पनि गरे ।
बार्षिकोत्सवका अवसरमा भएको फुटसल प्रतियोगितामा उत्कृष्ट भएको मानव संशाधन विकास शाखाका प्रमुख सूर्यबहादुर कार्कीको समूह, उत्कृष्ट खेलाडी राकेश सिग्देल र उत्कृष्ट गोलकिपर मानबहादुर गुरुंग पुरस्कृत भए ।
