काठमाडौं – कांग्रेस राजनीतिमा क्रियाशील गीता शिवाकोटीले गायक यम बरालसँ गुपचुप विवाह गरेको खुलेको छ । उनको यो दोस्रो विवाह हो ।
गायक बरालको पूर्वपत्नी आकृति राणासँग सन् २०११ मा सम्बन्ध विच्छेद भएको थियो । १० वर्षसम्म एकल जीवन बिताएका गायक केही समय अमेरिका बसेर फर्किएका थिए ।
यद्यपि, गायक बरालले भने आफूले विवाह गरेको स्वीकार गरेका छैनन् । उनीहरुले विवाह गरेको भिडियो नै सार्वजनिक भइसक्दा पनि उनले भने आफूले विवाह नगरेको बताएका हुन् । गत मंसिरमा बिहे गरेर काठमाडौंको नयाँ घरमा भित्र्याएको उनीनिकट स्रोतको दाबी छ ।
लिभिजन कार्यक्रम रजतपटले प्रशारण गरेको भिडिओमा दुवै दुलाहा र दुलहीको रुपमा नाचगान गरिरहेको प्रष्ट देख्न सकिन्छ ।
गीता हालै सम्पन्न नेपाली कांग्रेसको १४ औं महाधिवेशनमा महिला खुल्लातर्फ बागमती प्रदेश अधिवेशनमा प्रतिनिधिको उम्मेदवार थिइन् । तर, उनी चुनावमा पराजित भइन् । उनी नेता ख्याम तिवारी प्यानलकी उम्मेदवार थिइन् ।
